BARRIO FIESTA Stockton, California
BARRIO FIESTA August 8-9 2009 Stockton, California, USA
Malampusong gipahigayon ang BARRIO FIESTA, usa ka tinuig nga klihokan sa atong mga kaigsuonang Pinoy sa Stockton, California diin daghang mga bisdak ang mitambong. Adunay "trade fair" diin nagkalainlaing produkto sa mga Pinoy ang giladlad ilabi na ang mga pagkaon. Samtang nagkalainlaing pasundayag ang gipabuhagay nga nasud-ong sa mga bisitang Pinoy ug mga langyaw.
Ubos sa pagdapit ni Abai uwak (Frank), misalmot ang mga bisdakerz pinaagi sa pag sibya live sa maong event dinhi sa Radyo Bisdak. Gidapit usab si Abai Rolly sa paghalad ug mga awit diin nakalingaw gayud sa mga bisdak nga nanan-aw sa pasundayag sa entablado. Mi kanta usab si Abai Lambanog, ang manghud ni Abai Rolly.
Kuyog sa maong panon sila si Abai Benjie (Sta Barbara), Abai Laser (California), Abai Badlungon (California), Abai Timoy (California). Didto usab ang mga pamilya ni Abai Rolly ug Lambanog uban sa mga kaliwat sa Wagas nga tua nanimuyo sa maong dapit.
Atol sa maong kalihokan, namaligya ang mga bisdakerz sa RB t-shirt ug CD ni Abai Rolly. Tungod sa kakugi ni Abai Laser, Badlungon, ug labi na gayud ni Abai Benjie, ubay ubay ang nahalin. Matud pa nila: Nakabaligya man gani sila sa ilang kaugalingon, sa produkto pa kaha! hehehehehhh
Didto nanihapon ang tanan sa balay ni Abai Elwin nga naminyo ni Mystiquegirl, nga usa usab ka bisdakerz.
Salamat ni Abai Uwak nga maoy nagdapit ug sa mga bisdakerz nga misalmot sa tulumanon.
Hangtud sa sunod higayon. Daghang salamat ug Mabuhi ang mga bisdakerz!
Ipadala sa rwagas80@radyobisdak.com ang inyong mga hulagway o videos sa inyong mga kalihokan aron mapatik diri sa Bisdak Events